લગ્ને લગ્ને કુવારો ! 9 યુવતી સાથે કર્યા લગ્ન અને હજુ 2 યુવતીઓ સાથે કરશે લગ્ન !

દુનિયામાં એવા ઘણા લોકો છે જેને પોતાની લાઈફમાં કંઈક અલગ કરવુ હોય છે. આવા જ એક બ્રાઝિલિયન મોડેલની વાત છે જેને 10 પત્ની રાખવાની ઈચ્છા છે. જોકે હાલ નવ પત્નીઓ સાથે રહેતો બ્રાઝિલીયન મોડેલ કહે છે કે તે 'નિરાશ અને હેરાન છે' કારણ કે તેની એક પત્ની તેની પાસેથી છૂટાછેડા માંગી રહી છે. આ મોડેલનું નામ આર્થર ઓ ઉર્સો છે. બ્રાઝિલના રહેવાસી આર્થરે ગયા વર્ષે 9 મહિલાઓ સાથે સામૂહિક રીતે લગ્ન કરીને ચર્ચામાં આવ્યો હતો.

બ્રાઝિલના મોડલ આર્થરે જણાવ્યું કે તેની એક પત્ની અગાથા તેને છૂટાછેડા આપવા માંગે છે કારણ કે તેને એક પત્નીત્વના સંબંધમાં પાછા ફરવું છે. અગાથા હવે આર્થરને અન્ય લોકો સાથે શેર કરવા માંગતી ન હતી. તેથી તેણે બહુપત્નીત્વના સબંધોમાંથી બહાર નીકળવાનુ નક્કી કર્યું.

પત્નીના આ નિર્ણય પર આર્થરે કહ્યું કે, 'મને છૂટાછેડાના નિર્ણયથી દુઃખ થયું હતું અને અગાથાના નિવેદનથી મને આઘાત લાગ્યો હતો. આર્થરના કહેવા પ્રમાણે, તેની અન્ય પત્નીઓને પણ અગાથાનું વલણ ખોટું લાગ્યું. અન્ય પત્નીઓએ કહ્યું કે, અગાથાએ લાગણીઓ માટે નહીં પણ રોમાંચ માટે લગ્ન કર્યા હતા.

10 પત્નીઓ રાખવાની ઈચ્છા

આર્થર કહે છે કે 'હું જાણું છું કે મેં એક પત્ની ગુમાવી છે, પરંતુ હું આ સમયે તેનું સ્થાન અન્યને આપવાનો નથી.' જો કે, ભવિષ્યમાં, આર્થરને પત્નીઓની સંખ્યા વધારીને 10 કરવા માટે વધુ બે છોકરીઓ સાથે લગ્ન કરવાની આશા પણ વ્યક્ત કરી છે.

આર્થર કહે છે કે 'હું હંમેશાથી 10 પત્નીઓ રાખવા ઈચ્છતો હતો. અત્યારે મારી એક જ દીકરી છે, પણ મારે મારી દરેક પત્ની પાસેથી એક સંતાન જોઈએ છે. કારણ કે જો તે માત્ર એક કે બે પત્નીઓથી બાળકો પેદા કરે તો બાકીની પત્નીઓ માટે તે યોગ્ય રહેશે નહીં.

'ડેઇલી મેઇલ'ના જણાવ્યા અનુસાર, આર્થરની પહેલી પત્નીનું નામ લુઆના કાઝાકી છે. ગયા વર્ષે તેણે વધુ 8 મહિલાઓ સાથે લગ્ન કર્યા. તેમણે કહ્યું કે આ તેમનો એકપત્નીત્વનો વિરોધ છે. હાલમાં, આર્થરની 9 પત્નીઓમાંથી એકે તેને છૂટાછેડા આપવાનું મન બનાવી લીધું છે. અને વધુ 2 યુવતિ સાથે લગ્ન કરીને 10 પત્ની રાખવાનો નિર્ણય લીધો છે....